About The Writer
Hello Readers,
Main Shweta Sharma, main aap sabse apne baare me kuch share kerna chahti
hu.
Mujhe lagta hai ki hum sab mein
koi na koi talent zarur hota hai, bas kai baar hum use anjaan hote hai ya
pehchan nhi paate. Ye koi 93-94 ki baat rahi hogi jab mujhe laga ki main likh
sakti hu, per confidence nhi tha. Mere papa bhi writing kia kerte the to iss
tarah se writing to mere blood me thi. Per main is sabse anjaan bas apne liye
likhti rahi ya yun kahein ki apne tak seemit rakhti rahi….:/
Fir ek din maine ek Lekh likha “Bharatiya Sanskriti ka Mehatwa.” Maine
usse himmat kerke All India Radio
per post ker dia, aur dekho meri himmat rang layi aur wo Lekh select ho gaya,
aur meri recording bhi ho gayi. Aur iss tarah mera confidence toh badha hi sath
hi mera talent bhi nikharne laga….:)
Wahan per maine apni likhi kuch
Kavitayen bhi present ki, aur mujhe wahan se acha response mila. Wahan per
mujhe ek nai pehchan mili, Aur main “Shweta
Sharma” se “Shweta Sharma’ Raina”
ban gayi….:D
Mujhe books padhne ka shuru se
hi shauk raha hai. Main padhti gayi aur kuch naya likhti gai. Logon ne mujhe
prerit kia aur mera hausla badhaya, bas fir kya tha yahin se se meri “as a
Writer - journey” shuru ho gayi. Maine All
India Radio per kafi poems present ki, aur wahan per kai natak, rupak, kahaniyan, kavitaye likhi
aur drama me participate bhi
kia. Aur aise main lekhak ke sath-sath, All India Radio per Drama Artist bhi ban gayi. Wahin se
mujhe chance mila program present kerne ka aur main YUV VANI main as a Compare kaam
kerne lagi.
Toh Ye to thi meri chhoti se
journey. Per zindagi me kai mod aate hai. Aur ek mod per mujhse ye sab kuch
chhoot gaya aur main doosri cheezon me busy ho gayi. Lekin main likhti
rahi…..maine kabhi likhna nhi chhoda…:D
Aur ab ek lambe gap ke baad maine
socha ab kuch apne liye aur apne sukoon ke liye bhi kia jaye. Mujhe kuch mere
apno ne support aur encourage kia, toh maine iss blog ke bare me socha… jo ab
aapke samne hai….:)
Ab bas mujhe aapka support
chahiye, mere kadmo ko gati aap hi de sakte hai, mere pankhon ko udaan aap hi
de sakte hai. Aap sabhi padhne walon ka mere blog me swagat hai!!
Love
Shweta Sharma “Raina”
#writing #writersofinstagram #writer #poetry #love #writingcommunity #quotes #poem #poetrycommunity #poetsofinstagram #writers #writerscommunity #poet #poems #art #writersofig #words #reading #write #author #wordporn #life #writerslife #books #quoteoftheday #amwriting #bookstagram #thoughts #instagram #sraina