About The Writer

Hello Readers,

Main Shweta Sharma, main aap sabse apne baare me kuch share karna chahti hu.

Mujhe lagta hai ki hum sab mein koi na koi talent zarur hota hai, bas kai baar hum use anjaan hote hai ya pehchan nahi paate. Ye koi 1993-94 ki baat rahi hogi jab mujhe laga ki main likh sakti hu, per confidence nhi tha. Mere papa bhi writing kia kerte the to iss tarah se writing to mere blood me thi. Per main is sabse anjaan bas apne liye likhti rahi ya yun kahein ki apne tak seemit rakhti rahi….:/

Fir ek din maine ek Lekh likha “Bharatiya Sanskriti ka Mehatwa.” Maine usse himmat karke All India Radio per post ker dia, aur dekho meri himmat rang layi aur wo Lekh select ho gaya, aur meri recording bhi ho gayi. Aur iss tarah mera confidence toh badha hi sath hi mera talent bhi nikharne laga….:)

Wahan per maine apni likhi kuch Kavitayen bhi present ki, aur mujhe wahan se acha response mila. Wahan per mujhe ek nayi pehchan mili, Aur main “Shweta Sharma” se “Shweta Sharma’ Raina” ban gayi….:D

Mujhe kitabe padhne ka shuru se hi shauk raha hai. Main padhti gayi aur kuch naya likhti gai. Logon ne mujhe prerit kia aur mera hausla badhaya, bas fir kya tha yahin se se meri “as a Writer - journey” shuru ho gayi. Maine All India Radio per kafi poems present ki, aur wahan per kai natak, rupak, kahaniyan, kavitaye likhi aur uske drama me participate bhi kiya. Aur aise main lekhak ke sath-sath, All India Radio per Drama Artist bhi ban gayi. Wahin se mujhe awsar mila program present karne ka aur main YUG Wani main as a Compare kaam karne lagi.

Toh Ye to thi meri chhoti se journey. Per zindagi me kai mod aate hai. Aur ek mod par mujhse ye sab kuch chhoot gaya aur main doosri cheezon me vyast ho gayi. Lekin main likhti rahi…..maine kabhi likhna nahi chhoda…:D

Aur ab ek lambe gap ke baad maine socha ab kuch apne liye aur apne sukoon ke liye bhi kia jaye. Mujhe kuch mere apno ne support aur encourage kia, toh maine iss blog ke bare me socha… jo ab aapke samne hai….:)

Ab bas mujhe aapka support chahiye, mere kadmo ko gati aap hi de sakte hai, mere pankhon ko udaan aap hi de sakte hai. Aap sabhi padhne walon ka mere blog me swagat hai!!

     Love

Shweta Sharma “Raina”

#writing #writersofinstagram #writer #poetry #love #writingcommunity #quotes #poem #poetrycommunity #poetsofinstagram #writers #writerscommunity #poet #poems #art #writersofig #words #reading #write #author #wordporn #life #writerslife #books #quoteoftheday #amwriting #bookstagram #thoughts #instagram #sraina